Same thing but in Brezhoneg/Petite intro au blog et à l'échange

Salud deoc'h holl !

En em gavet emaomp er Stadoù-Unanet war lec'h ur pezh-mell beaj dre garr-nij.

Loc'het hon eus Brest da vare an dijuni (7e 30), evit en em gavout e Bariz da 8e 50 (hervez ar bilhed). Koulskoude arruet omp abretoc'h.

Waouh na pegen iskis eo ar santad da gaout ar stomog en hor treid. Pa za ar c'harr-nij kuit diwar al leur. (Ar wech kentañ da Rozenn, Helena ha me da gemer al «labous-houarn»). Ha n'eo ket ar c'harr -nij nemetañ hon eus da dapout. Tri 'zo raktreset. Evit ur wezh kentañ 'eo ket gwall fall ;). Ha c'hoazh gwech kentañ d'un nebeut deus ar strollad leuskel war o lec'h ar C'hevandir-Kozh.

Chommet omp bammet, sabatuet, hon daoulagad troet war-zu ar brenestr en ur welet ur «meurvor», gwall iskis met ur meurvor memestra. Ur Meurvor Koumoul an hini e oa. Soñ jet em eus e vefe brav mont da gousket enno pa m'eus gwelet unan e stumm ur goubenner. Pep-tra a oa brav diouzh an oabl. Ha bihan war ar memes-tro.

Drebet eo bet ganeomp ur vrav a zijuniñ : Ur Bara-Chok, evit pep hini !!!

Na pegen dous ha gleb e oa.

Pa 'z eo kroget ar c'harr-nij da zisken, eo bet soñjet gant un nebeut diouzomp «Dija, gast a amzer tremen a ra fonnus kenañ». N'ouzon ket penaos o deus graet ar vlenerienn, en em gavet omp e Pariz gant 25mn lañs (8e50-25 = ? ... deoc'h da gavout ;) ).

An eil karr-nij hon eus bet da dapout a oa da deir nemet kard goude-merenn. Pemp eurvezh da c'hortoz hep ober netra... NA PEGEN HIR EO !!! Erusamanant evidomp e veze ganeomp un den anvet Kaorintin Korneg. Ur strobinneler an hini eo gant e farsadennoù (brein) ez eus bet tu lakaat ar bemp eurvezh da dremen... A-mod-se KLAK...

Ne oa ket kreisteiz c'hoazh pa oa bet prennet ha drebet boued brein un aerborzh. Sonjet em eus kalz d'ar voued bet prennet a ratozh-ker evit ar veaj ha dilezet er c'harr-tan a-raok en em enskrivañ ; evit ar veaj kentañ... :')

Pa 'z eus bet tu kas hon seier d'ar vekanik a lonke anezho, hon eus bet graet. Me paket hon bet un tamm fall... N'on ket evit c'houzañv un disparti ken bras a-se ijinit 'ta. Ma sac'h a zo oc'h euliañ ac'hanon abaoe daou vloaz e pop lec'h lonket gant un euzvill gant genou ken bras e c'helfen bezañ lonket me ivez. Ha berniet gant seier all ne anavez ket... Kaoc'h kwoa !

An holl n'int ket evit anavezout René La Taupe a ya meaz, diouzh ar blog evit mont da selaou-se war YOUTUBE peotramant war DEEZER (un tamm bruderezh n'eo ket fall evit ar yec'hed) . Kaorintin n'eus bet ur mennozh ken speredek en deus bet lakaet ar ganaouenn-mañ... N'on ket evit padout ken ; na ma nervennoù keneubeut (T'es si mignon mignon mignon mais gros gros gros...GRRR.... RAH DEUET ON DA VEZAÑ FOLL). !
http://www.youtube.com/watch?v=24pUKRQt7fk 

Setu neuze en em gavet emaomp en eil karr-nij. N'eo ket un dra Aer-Frañs ha merzhet e vez diouzhtu. Met un dra Iberria (erusamant evidon e vije ur gouriz peogwir... ) hag ar gwasañ dav e oa paeañ evit kaout an disterañ-tra. Hogen digoust e vije an dour. Alle bep a vane evit ar strollad a-bezh.

Dre ar brenestr, koumoul (bof) ordin eo deuet da vout. Moarvat ar santad a zo c'hoazh ken plijus da gaout «la tête dans les nuages» ha dreist-holl bez e c'hellomp soñjal, huñvreal war ar pezh hon eus c'hoant gwelout, dizoloeiñ hag all.

Setu en em gavet omp e Madrid war lec'h div eurvezh karr-nij. Amzer a-walc'h hon eus bet evit huñvreal, ha komz un tammig memestra.... Waouh na pegen tomm e oa an aer pa 'z eo bet digoret an nor... Ken sec'h ez e oa an amzer hon eus bet sec'hed diouzhtu, ar re vihan evel ar re vras... N'ez eus ket bet kalz a amzer da c'hortoz en aerborzh, amzer deomp pakout un tren-buzug evit en em gavout el lec'h-vat, tapout ur vanne dour fresk ken ken ha hop bez e oamp er c'harr-nij Ramzel ; a gasfe ac'hanomp d'ar Stadoù-Unanet. (Ta Ta Ta Di Din....)

Ur wech ouzhpenn, on kouezet e-kichen Rozenn. Hag hi da vezañ adare e-kichen d'ar brenestr... Nag a chañs a vez ganti !!! Ar pezh a gavan farsus ez eo bet drebet div wezh da Eizh eur noz.... met pebez boued lipous (farsal a ran n'eo ket gwall iskis ez e vefe kement a wallzarvoudoù gant ar c'hirri-nij hum-hum)... Chommet omp da selet ouzh filmoù kiniget deomp gant ar gevredigezh, pe an dibab a oa kousket bep a vare peotramant sellout ouzh filmoù war an urzhiataer ; pe c'hoazh selaou sonerezh... Koulskoude eizh eurvezh azezet a chomm diaes da c'houzañv dreistholl evit an divc'harr..

D'ur mare bennak eo bet roet deomp ur baper da leuniañ. Hogen roud ebet diouzh seurt goulennoù :

«Ha deuet oc'h evit lazhañ an aotroù Prezidant/ Ha Kommunour emaoc'h»... Torret eo ar vojenn !!!

War-lec'h ar baper da leuniañ eo deuet primm a-walc'h an douaridigezh. N'omp ket chommet da straniñ.... Heu dreist-holl ar vlenier n'eus ket gortozet evit goulenn diganeomp ma hon doa c'hoant arruout pe get.... Ya' vat ne rae nemet unnek eurvezh en transportoù nij ; gant eizh eurvezh beaj dizehan.... Graillet e oamp, skuizh/ riñset ; rasket veze hon holl startijenn. Lod n'o doa ket kousket e-pad ar veaj brasañ.

Ken skuizh e oamp ni, ez e oamp kroget da gavout an amzer hirr. M'ho pije gwelet penaos e vije al lost evit tremenn er Stadoù-Unanet. Gortozet eo bet ganeomp muioc'h evit un hanter-eurvezh evit kaout an tamm eskemm-se :

-Hi

• - Hello, how are you ?

Have you got your ticket and your passport, please....
• There it is
• Ok thank, may you put your rights fingers on te machine please, thumb, left hand, Thumb... OK everithing is good.... Tchlak !!! (on the passeport) Welcome to the United-States....
• Thanks bye -Bye : Next.....

ha goude-se an tamm paper bet leuniet er c'harr-nij vije roet d'un den war lec'h bezañ paket ar seier en-dro.

Gwech kentañ deomp gwelet N.Y glav a rae. Just trawalc'h evit lakaat ur vreizhat da soñjal en e vro... Teuc'h, teuc'h an aer a zo saotret evel hini Pariz pa n'eo gwasoc'h c'hoazh. War lec'h ur frapadig amzer kollet en tren buzug hon eus paket ur c'harr-boutin da feurmiñ evit mont d'al leti...

N'eo nemet war-dro hanternoz omp degouezhet.... En em staliet omp just war- lec'h bezañ bet paket bep a alc'hwezh evit pep strollad pevar den pe war-dro..... Kousket em eus e memes kambr evit Kôme ha Kaorintin; ha kousket hon eus mat a-walc'h ma ne vefe ket bet ur vekanik aer-fresk e vefe bet gwelloc'h. Dihunet omp bet an tri war-dro 6eur. An heol a oa o lipat ar ridozhioù ha tremen a rae ur vanne heol dre zidan.... Amzer deomp kemer bep a strikadenn gant pep hini ; hop an dijuni ha prest evit andevezh kentañ er Stadoù-Unanet, resisoc'h er Stad New-York, e New-York ha Woodstock.... Met-se a zo un afer-all alle kenavo mignoned kaer. NOZ VAT DEOC'H HOLL.